Грамадскае аб'яднанне "Беларускае таварыства інвалідаў па зроку" з'яўляецца рэспубліканскім грамадскім аб'яднаннем, якое аб'ядноўвае звыш 7000 членаў. У іх ліку людзі з інваліднасцю па зроку рознай ступені страты здароўя, а таксама людзі, якія актыўна прымаюць удзел у дзейнасці ГА "БелТІЗ"

Наша мэта - садзейнічаць павышэнню ўзроўня і якасці жыцця людзей з інваліднасцю па зроку. ГА "БелТІЗ" арганізуецца па тэрытарыяльнай прыналежнасці і складаецца з абласных арганізацый ГА "БелТІЗ" . Абласныя арганізацыі ГА "БелТІЗ", аб'ядноўваюць членаў ГА "БелТІЗ", якія пражываюць у адпаведнай вобласці.

Для вырашэння задач па комплекснай рэабілітацыі інвалідаў у сістэме ГА "БелТІЗ" створана і паспяхова працуе 9 унітарных прадпрыемстваў і 6 філіялаў, якія выпускаюць разнастайную прадукцыю і працуюць у сферы паслуг. Кіраўніцтва дзейнасцю ГА "БелТІЗ" ажыццяўляе Цэнтральнае праўленне.